Grænmetisgarður
Ræktun á grænmeti
Aukning hefur verið á því að Íslendingar rækti sitt eigið grænmeti og margir komnir með smá skika við húsin sín til ræktunar. Það eru margir kostir við að rækta sitt eigið grænmeti, bæði fyrir heilsuna og umhverfið. Hér eru nokkur ráð sem gott er að hafa í huga:
1. Fersk, lífræn framleiðsla – þegar þú ræktar þitt eigið grænmeti veistu nákvæmlega hvað fer í það. Þú getur forðast skaðleg varnarefni og efni og notið þess að borða ferskar, lífrænar afurðir.
2. Sparnaður – að rækta sitt eigið grænmeti getur sparað þér pening þegar kemur að matvörukaupum. Ef heimilið er mannmargt og/eða fjölskyldan hefur gaman að því að elda úr ferskum afurðum þá getur það munað um minna.
3. Bætt heilsa – grænmeti er hollt og ætti að vera hluti af hverri máltíð. Grænmeti inniheldur mikið magn næringarefna sem okkur eru anuðsynleg, en það er misjafnt eftir tegundum hvað hver tegund getur innihaldið mikið vítamín, steinefni, trefjar og kolvetni. Auk andoxunarefna.
4. Umhverfisleg sjálfbærni – þegar grænmeti er ræktað heima í garði minnkar kolefnisspor okkar þar sem grænmetinu okkar er ekki pakkað inn og það flutt um langa leið.
5. Fræðsla – að rækta sitt eigið grænmeti getur verið skemmtileg og fræðandi reynsla fyrir börn og fullorðna. Ræktunin veitir tækifæri til að læra um náttúruna, veðrið og margt fleira.
6. Streitulosun – rannsóknir hafa sýnt fram að garðyrkja dregur úr streitu og bætir andlega heilsu.
7. Samfélagsleg áhrif – þú getur deilt afurðum með nágrönnum og janvel stofnað samfélagsgarð þar sem fólk kemur saman og sinnir matjurtagarði.
Grænkálssnakk:
Ein þeirra tegunda sem hægt er að rækta er grænkál en úr því er hægt að búa til bragðmikið og hollt snakk.
Uppskrift:
150 gr grænkál
1 tsk jómfrúarolía
1/3tsk gróft sjávarsalt
Aðferð:
Hitið ofninn í 180°C og stillið á blástur
Mikilvægt er að þvo grænkálið áður ef farið er að vinna með það
Rífið blaðið af grænkálinu niður í bita, stöngullinn er ekki nýttur
Nuddið kálið með olíunni
Saltið örlítið
Dreifið úr kálinu í ofnskúffu og bakið í 10-15 mín, eða þangað til verður stökkt.
Fylgyst með að kálið brennið ekki.
Njótið!