Grassláttur er ein vinsælasta þjónustan okkar á sumrin, enda erum við þekkt fyrir skilvirkni og vandaða vinnu. Slátturinn fer yfirleitt þannig fram að vinnuhópur mætir á staðinn með sín bestu tæki og tól, slær grasflötina hratt og örugglega og gengur svo frá öllu eftir sig. Það er miserfitt að slá gras eftir því hvernig grassvæðið liggur en við hjá Garðlist erum sérfræðingar í garðslætti og látum öll sláttartengd verk ganga upp.

Reglulegur garðsláttur hefur marga kosti. Hæð grassins helst jöfn yfir allt sumarið þannig að grasflötin verður mun fallegri auk þess sem reglulegur sláttur dregur úr mosamyndun í grasi.  Grasflötin er slegin og allar stéttir hreinsaðar ef gras hefur farið á þær. Við erum meðvituð um það ónæði sem sláttuvélarnar valda og reynum því að klára verkið eins fljótt og auðið er. 

Algengast er að sláttur eigi sér stað á tveggja vikna fresti eða ca. sjö sinnum yfir sumarið en við bjóðum einnig upp á slátt á u.þ.b. tíu daga fresti. Oftast er fyrsti grassláttur um miðjan maí en það er þó háð tíðarfari.