Þegar kemur að því að tyrfa garð undirbýr Garðlist jarðveginn með áburðargjöf og sléttun. Ef túnþökur eru lagðar á brekkur eru þær festar niður með trénöglum sem auðvelt er að fjarlægja. Einnig getum við tekið að okkur að leggja torfþökur á svæði þar sem vinnuvélar, eitur eða annað sambærilegt hafa skemmt grasflöt.

Þegar búið er að þökuleggja er mikilvægt að fylgjast vel með rakastigi torfsins og vökva það vel á meðan það grær saman. Einnig er mikilvægt að gefa grasinu áburð. Hefja má slátt á grasi þegar það hefur náð tíu cm hæð. Þá er gott að byrja á því að slá grasið í hæstu stillingu á sláttuvél, lækka svo stillinguna í hvert skipti sem slegið er þar til æskilegri grashæð er náð. Sú hæð er oftast um 3-4 cm í venjulegum heimilisgörðum.

Garðlist býður upp á plöntun í beð, blómapotta og ker. Við veitum einnig ráðleggingar varðandi hvers konar plöntur henta hverjum árstíma og getum komið með plönturnar með okkur. Kjósi viðskiptavinurinn það heldur getur hann sjálfur keypt plöntur og fengið okkur til að gróðursetja þær.